monumenta.ch > Plinius > sectio 168

Word Selection for Searching

Report an Error in this Sectio
Plinius, Naturalis Historia, 6, 168
{XXXIII} mox oppidum parvum est Aeum - alii pro hoc Philoterias scribunt -, deinde sunt Asaraei, ex Trogodytarum conubiis Arabes feri, insulae Spairine, Scytala, mox deserta ad Myos Hormon, ubi fons Tatnos, mons Aeas, insula Iambe, portus multi, Berenice oppidum, matris Philadelphi nomine, ad quod iter a Copto diximus, Arabes Autaei et Gebadaei.